तुइ जे देख्लो यिरङ नजर से,
लाग्ले लाज मोक हैत्तेरिका,
कत्तेक कहमु ना सठेक मोर लागा, फेर तुइ सठ्लो हैत्तेरिका,
नि करेम माया टुटिगैचे दिल र,
कियाय नि बुझेसी हैत्तेरिका,
जैखान गलती करिलिचु जिबनत,
फेर नि करेम हैत्तेरिका,
मायार काथा सुनिये माथा बिसाचे,
ना सुना नि हैत्तेरिका,
भुलाल काथा र फेर याद दिलालो,
तह हबो लोक र हैत्तेरिका,
कत् नोऊ बुझाले नि बुझेसि,
किते छाबेसि हैत्तेरिका,
हासिये-हासिये गफ करेसि,
लागेचे फसाबो हैत्तेरिका,
मोक तुई हरदम सताते रहसि,
किते सोचेसि हैत्तेरिका,
जा कहसुन ते जा नि हौऊ घर,
कियाय मोर पाछु आसेसि हैत्तेरिका,
लागेचे आप तुई नि मान्बो सायद,
कर्बो बेहा मोर से हैत्तेरिका,
कुन झन्झटत मुई फसिगेनु,
नि सुहाचे कुछु हैत्तेरिका,
कत्ला गफ आर् बेनाय सुनामु,
मन र नि बुझेसु तोर हैत्तेरिका,
जा तुइ आप अप्नार काम कर,
सुत्बाऊ नि देसी हैत्तेरिका,
अल्हा ते भर्खर सुत्बे करिसु,
उठ्बा फेर कियाय कहसि हैत्तेरिका,
सताचिस ते तह सताबार सन्ती,
सैताने हबो तह हैत्तेरिका,
गफ कर्ते देखेक बेहान हयगेले,
सुत्बाऊ नि दिलो हैत्तेरिका..............।।।
